Нүүдлийн соёл иргэншлийг судалдаг ЮНЕСКО-ийн 2-р зэрэглэлийн хүрээлэнгийн хувьд бид соёл хоорондын нээлттэй, харилцан хүндэтгэлтэй яриа хэлэлцээг чухалчилж, тогтвортой, энх тайванч дэлхийг цогцлоох, хүн төрөлхтний соёлын олон янз байдлыг хадгалах, хөхиүлэн дэмжих, үүнийг эрдэм шинжилгээний хэлэлцүүлэгт татан оролцуулах зорилгоор “Соёл хоорондын харилцан ойлголцол” (Journal of Intercultural Dialogue, JID) шинэ эрдэм шинжилгээний сэтгүүл эрхлэн гаргаж буйг зарлахад таатай байна.
Сэтгүүлийн тухай: Соёл хоорондын харилцан ойлголцол сэтгүүл нь соёл хоорондын судалгааны чиглэлээр өргөн хүрээний сэдвүүдийн судалгаа шинжилгээний үр дүн, шилдэг бүтээлийг сурталчлах зорилготой салбар дундын, олон хэл дээрх сэтгүүл юм. Тус сэтгүүл нь олон улсын эрдэмтэд, судлаачид, мэргэжилтнүүдэд соёл хоорондын судалгаа, мэдлэгийг дээшлүүлэхэд чиглэсэн судалгааны үр дүнг нийтлэх платформоор хангах зорилготой юм. Соёл судлал, соёл хоорондын яриа хэлэлцээний онолын болон практик талуудыг судалж, уг сэдвийг гүнзгийрүүлэн ойлгох, түүний үр дүнг нэмэгдүүлэхэд хувь нэмэр оруулахыг бид талархан хүлээж авдаг.
Сэтгүүлийн урилга: Эрхэм эрдэмтэн судлаачид та бүхнийг тус сэтгүүлийн анхны дугаарт судалгаа, шинжилгээнийхээ үр дүнг нийтлүүлэхийг урьж байна. Сэтгүүл нь дараах сэдвүүдийг хамрах хэдий ч үүгээр хязгаарлагдахгүй болно:
– Соёл судлал
– Соёл хоорондын харилцаа, харилцан ойлголцол
– Угсаатны болон уламжлалт соёл,
– Олон улсын харилцаа ба соёл
– Уран зохиол, хэл,
– Түүх ба ой санамж,
– Хэвлэл мэдээлэл ба харилцаа холбоо,
– Соёлын бодлого,
– Соёлын олон талт байдал,
– Соёлын өв,
– Бүс нутгийн соёл судлал,
– Бүс нутгийн судалгаа,
– Урлаг ба спорт
Өгүүлэл илгээх удирдамж: Зохиогчид гар бичмэлээ бэлтгэхдээ дараах удирдамжийг дагаж мөрдөхийг зөвлөж байна.
- Гар бичмэл нь өөр газар хэвлэгдээгүй эх хувь байх ёстой.
- Гар бичмэлийг хүрээлэнгийн гишүүн орнуудын хэл болох монгол, турк, казах, киргиз хэл дээр болон орос, хятад, герман, япон, солонгос зэрэг судалгааны хэлээр ирүүлж болно. Энэхүү олон хэл дээрх сэтгүүл нь соёлын олон талт байдал, төрөлх хэл дээрээ судалгаа шинжилгээний үр дүнг нийтлэх, түгээхийг дэмждэг болно.
- Гар бичмэлийг Microsoft Word форматаар бэлтгэсэн байна.
- Нүүр хуудсанд өгүүллийн гарчиг, зохиогч(д)-ийн нэр(с), байгууллагын харьяалал, цахим шуудангийн хаяг зэргийг агуулсан байна.
- Өгүүллийн хураангуй (150-250 үгтэй), түлхүүр үг, илтгэлийн гарчгийг англи болон сонгосон хэл дээр бичнэ.
- Эх бичвэр нь Times New Roman, 12 үсгийн фонт, мөр хоорондын зай 1.5, бүх талаас 2 см зайтай байна.
- Эх бичвэр нь А4 хэмжээтэй дээд тал нь 20 хуудастай байх ёстой.
- Сэтгүүл нь эшлэл, ном зүйн хувьд Chicago Manual of Style (CMS) -ийг дагаж мөрддөг. (Зохиогч огноо) загвараар текст доторх эшлэлийг ашиглаж, нийтлэлийн төгсгөлд ном зүйг оруулна уу.
- Хэрэв таны гар бичмэлд зураг эсвэл хүснэгт байгаа бол тэдгээрийг дугаарласан, нэр/тайлбар өгсөн, текстэд эш татсан байх ёстой. Зургийг 300 DPI нарийвчлалтайгаар хэвлүүлэхээр ирүүлнэ.
Өгүүлэл хүлээн авах эцсийн хугацаа: 2023 оны 11-р сарын 15
Холбоо барих хаяг: s.tamiraa11@gmail.com болон bumbayar@unesco-iisnc.com и-мейл хаягаар холбогдож, гар бичмэлээ редакцад илгээнэ үү.
Бид та бүхний өгүүллийг хүлээн авч, “Соёл хоорондын харилцан ойлголцол” эрдэм шинжилгээний сэтгүүлийг амжилттай эхлүүлэхдээ баяртай байна.
